الجواب وبالله التوفيق: عصر کے بعد مسجد میں ٹھہرنے کے تعلق سے علامہ شمس الدین سرخسی رحمہ اللہ نے “مبسوط سرخسی” میں اور علامہ احمد بن محمد بن اسماعیل الطحطاوی رحمہ اللہ نے “حاشية الطحطاوي” میں ایک حدیث نقل کی ہے کہ حضور صلی اللہ علیہ وسلم نے ارشاد فرمایا: “جس شخص نے عصر کی نماز پڑھی اور وہ غروبِ شمس تک مسجد میں ٹھہرا گویا اس نے اسماعیل علیہ السّلام کی اولاد میں سے آٹھ غلام آزاد کیے”، تاہم مذکورہ حدیث احادیث کی کس کتاب میں موجود ہے تلاش کے باوجود بندہ کو نہ مل سکی۔
📖 لأن المكث بعد العصر إلى غروب الشمس في موضع الصلاة مندوب اليه، قال عليه الصلاة والسلام: من صلى العصر ومكث في المسجد إلى غروب الشمس فكأنما أعتق ثمانية من ولد إسماعيل عليه السلام. (المبسوط للسرخسي/كتاب الصلاة/باب مواقيت الصلاة، ١٤٧/١، ط: دار المعرفة بيروت)
📖 وقال عليه السلام: من مكث في مصلاه بعد العصر إلى غروب الشمس كان كمن أعتق ثمان رقاب من ولد اسمعيل. (حاشية الطحطاوي على مراقي الفلاح/كتاب الصلاة، ص: ١٨١-١٨٢، ط: دار الكتب العلمية بيروت) فقط والله سبحانه وتعالى أعلم.
مزید متعلقہ سوالات
- ایک بوڑھے آدمی نے اس رمضان المبارک کے مہینے میں ایک بھی روزہ نہیں رکھا اور نہیں آگے رکھنے کے امکانات ہیں ۔ انکی طرف سے گھر والے تمام روزو کا فدیہ دینا چاہتے ہیں ۔ اب معلوم یہ کرنا تھا کہ جو فدیہ کی رقم بنےگی اسکی تملیک کراکر وہ رقم اس شخص پر خرچ کرسکتے ہیں جو مستحق زکوٰۃ نہیں ہے
- زید نے عمرو کے پاس 15 تولہ سونا گروی میں رکھا ہے 15 تولہ سونا گروی میں رکھ کل 10 لاکھ روپے کا قرض لے رکھا ہے تو اب سوال یہ پیدا ہوتا ہے کہ زید کے اوپر زکوۃ واجب ہے یا نہیں جو عمرو نے زید کو دس لاکھ روپے قرض دے رکھا ہے اور عمرو نے زید کے جو 15 تولہ سونا گروی رکھا ہے اس پر زکوۃ واجب ہوگی یا نہیں؟
- سڑک پر نماز جنازہ ہو رہی ہے سڑک عام طور پر ناپاک ہوتی ہے تو نماز جنازہ چپل پہن کر پڑھیں گے؟ کیا شکل ہوگی واضح فرمائیں ؟
- کیمرے کی تصویر کشی کی اجرت حلال ہے یا نہیں؟
- مسجد کے لیے زمین وقف کی گئی ہے جس میں مسجد کے ساتھ ایک طرف وضو خانہ بنایا گیا اور وضو خانہ مصالح مسجد میں داخل ہے اور اس طرح مصالح مسجد بن جانے کے بعد چونکہ جماعت خانہ سے وضو خانہ کو خارج رکھا گیا ہے تو وضو خانہ کے اوپر مسجد بن جانے کے بعد امام و مؤذن کے لیے فیملی کواٹر بنانا جائز ہے یا نہیں؟