مرغی ذبح کرتے وقت قبلہ رخ ہونا ضروری ہے؟ اور اگر مرغی کو پاؤں سے دبا کر ذبح کیا جائے تو کیا اس کا گوشت حلال ہوگا؟

جواب:جانور یا پرندہ ذبح کرتے وقت قبلہ رخ ہونا مستحب ہے۔ اگر کسی نے قبلہ کی طرف رخ کیے بغیر جانور یا پرندہ ذبح کیا تو صرف اس وجہ سے وہ حرام نہیں ہوگا، بلکہ اگر ذبح شرعی طریقے کے مطابق کیا گیا ہو تو اس کا گوشت حلال ہوگا، البتہ قصداً قبلہ رخ نہ ہونا مکروہ ہے؛ کیونکہ ذبح کے وقت قبلہ رخ ہونا سنت ہے۔ اسی طرح مرغی یا دوسرے پرندے کو ذبح کرتے وقت ایک ہاتھ سے پکڑ کر دوسرے ہاتھ سے ذبح کرنا، یا ضرورت کے پیش نظر پاؤں سے دبا کر رکھنا بھی جائز ہے، اس میں کوئی حرج نہیں۔