جب لوگ نماز پڑھتے ہیں اور اللہ تعالی کسی بندے پر نظر فرمالیں تو اس بندے کی اور اس کے پیچھے والے لوگوں کی اللہ تعالی مغفرت فرمادیتے ہیں؟

Question

Accepted Answer

الجواب وبالله التوفيق: امام غزالی رحمتہ اللہ علیہ نے “إحياء علوم الدين” میں اور علامہ ابو طالب مکی رحمتہ اللہ علیہ نے “قوت القلوب” میں مذکورہ روایت بلا سند ذکر کی ہے، نیز اس روایت کو بلا سند ذکر کرنے کے بعد علامہ ابو طالب مکی رحمتہ اللہ علیہ فرماتے ہیں: “وقد رفعه بعض الرواة الخ” بعض راویوں نے اسے مرفوعاً روایت کیا ہے کہ ابو الدرداء رضی اللہ عنہ نے یہ بات رسول اللہ صلی اللہ علیہ وسلم کو فرماتے ہوئے سنی ہے، نیز علامہ عراقی رحمتہ اللہ علیہ مذکورہ حدیث نقل کرنے کے بعد فرماتے: “مجھے یہ حدیث نہیں مل سکی”، اور علامہ مرتضی زبیدی رحمۃ اللہ علیہ نے “إتحاف” میں حافظ عراقی رحمتہ اللہ علیہ کے قول پر اعتماد کیا ہے، اس لیے مذکورہ حدیث آپ صلی اللہ علیہ وسلم کی طرف منسوب کرنا درست نہیں ہے۔

مزید متعلقہ سوالات