سوال:-امام صاحب نے آیت سجدہ پڑھ کر فورا سجدہ نہیں کیا بلکہ اس کے بعد رکوع میں سجدہ کی نیت کر لی تو اس سے سجدہ ادا ہو جائے گا یا نہیں اور اگر ادا ہو جائے گا تو کیا مقتدیوں کا بھی صحیح ہو جائے گا یا نہیں ؟ اس مسئلے میں واضح جز ئیات تحریر فرمائے؟

Question

Accepted Answer

الجواب:-اگر امام نے رکوع میں سجدہ تلاوت کی نیت کر لی اور مقتدیوں نے نہیں کی تو اس میں اختلاف ہو گیا اکثر علماء اور اہل فتاوی کی رائے یہ ہے کہ امام کے سلام کے بعد مقتدی آیت سجدہ کا سجدہ کرے پھر قعدہ آخرہ کر کے سلام پھیرے ورنہ مقتدی کی نماز فاسد ہو جائے گی، دوسری رائے یہ ہے کہ امام کی نیت مقتدی کی نیت کے لیے بھی کافی ہو جائے گی اسی کو احسن الفتاوی نے راجح کہا ہے امت کے لیے اسی قول کو اپنانے میں آسانی ہے لیکن اس کی تائید زیادہ نہیں ملتی ہے اس لیے امام کو رکوع کے بجائے سجدہ میں نیت کر لینی چاہیے اور اس صورت میں مقتدی سجدہ کرے یا نہ کرے کسی کی نماز میں کوئی خرابی نہیں آئے گی-

مزید متعلقہ سوالات