ایک مسجد میں چٹائی اور قالین ضرورت سے زائد ہے کیا مسجد والے ان چٹائی اور قالینوں کو فروخت کر کے مسجد کے دیگر ضروریات میں خرچ کر سکتے ہیں اور خریدار کے لیے اپنے اور اپنے بیوی بچوں کی ضرورت میں استعمال کرنا بلا شبہ جائز ہے یا نہیں؟

الجواب وباللہ التوفیق:-مسجد کی ضرورت سے زائد چٹائی اور قالین اگر کسی نے دی ہے تو ان کی اجازت سے ان زائد چیزوں کو فروخت کر سکتے ہیں اور اگر مسجد کے پیسوں سے خریدی گئی ہے تو ذمہ داران اس کو دوسرے کو بیچ سکتے ہیں اور حاصل شدہ امدانی کو اسی مسجد کی ضروریات میں صرف کر سکتے ہیں نیز خریدار کے لیے اس کا استعمال بلا شبہ اور بلا تردد جائز ہے کیونکہ خریدار اس کا مالک ہو چکا ہے لہذا اس کا اس میں ہر طرح سے تصرف سے جائز ہے-(مستفاد محمودية:٤٧١/١٤،قاسميه:٢٩٧/١٨)