الجواب وبالله التوفیق واضح رہے کہ قربانی ہر اس مسلمان عاقل بالغ مقیم پر واجب ہوتی ہے جس کی ملکیت میں قربانی کے ایام میں ساڑھے سات تولہ سونا، یا ساڑھے باون تولہ چاندی، یا اس کی قیمت کے برابر رقم ہو، یا تجارت کا سامان، یا ضرورت سے زائد اتنا سامان موجود ہو جس کی قیمت ساڑھے باون تولہ چاندی کے برابر ہو، اور یہ مال اس کی حاجات اصلیہ سے زائد موجود ہو خواہ ضرورت سے زائد گھریلو سامان ہو یا رہائشی مکان سے زائد کوئی مکان، پلاٹ، ہو یا زائد سواری وغیرہ کی شکل میں ہو صورتِ مسئولہ میں قربانی کے ایام میں ضرورت سے زائد رقم کو دیکھیں گے، اگر وہ نصاب کے بقدر ہے تو قربانی واجب ہے، وہ رقم جو ہر مہینے ضروریات پر خرچ ہونی ہوتے ہیں جیسے ماہانہ بل فیس وغیرہ یہ ضروریاتِ اصلیہ متعلق ہیں؛ اس لیے اس رقم کی بنا پر مذکورہ شخص پر قربانی واجب نہ ہو گی۔